ပင်လုံလမ်း

ဒီလထဲမှာတော့ ထိုင်းရော မြန်မာမှာပါ ရေကြီးပြီး လူအများ နေစရာ စားစရာမရှိဘူး…။ ကိုယ့် လူမျိုးအချင်းချင်း လက်နက်အားကိုးနဲ့ လူသတ်၊ မုဒိန်းကျင့်ပြီး မြန်မာစစ်သည်တော်ကြီးတွေက ကချင်ပြည်နယ်မှာ စစ်သွားခင်းကြတယ်။ အသက်အန္တရာယ် လွယ်ပြီး တိုင်းတပါးမှာ လက်လုပ်လက်စားလုပ်တဲ့ မြန်မာပြည်သားတွေ ရေဘေးဒုက္ခကြောင့် တိုင်းပြည်ပြန်တာကို ကျီးလို လင်းတလို တိရိစ္ဆာန်စိတ် ရှိသူတွေက တဖက်သား အားနည်းဒုက္ခ ရောက်တာနဲ့ ထိုးသုတ် လုယက်ကြတယ်။ မကောင်းသတင်းတွေ အားကြီးပါတယ်။ ကောင်းသတင်း တချို့အားရှိအောင် ပြန်ဝေမျှပေးပရစေ…။

ဘန်ကောက်မှာရှိတဲ့ မြန်မာသံရုံးက မြန်မာရွှေ့ပြောင်းအလုပ်သမားတွေရဲ့ ရေဘေးကြောင့် အလုပ်မဲ့ ပြည်တော်ပြန်ခရီးမှာ အခြားလူပုဂ္ဂိုလ် အဖွဲ့အစည်းတွေလို မြန်မာရွှေ့ပြောင်းအလုပ်သမားတွေအတွက် အကူအညီပေးခဲ့တယ်။ အရင် စစ်သားသီးသန့် အစိုးရတုန်းကဆို မြန်မာလူမျိုးတွေ ယိုးဒယားမှာ ဒုက္ခတွေ့တယ်ဆိုရင် သူတို့ကြောင့် တိုင်းပြည်အပြင်မှာ ဒုက္ခဖြစ်ရတာလည်းသိ၊ ဘာမှလည်း မပြောင်းလဲပေးနိုင်တော့ ဒီဒုက္ခသည်တွေကိုပဲ သွား မဲ ရမ်းကားပါတယ်။

အခု ဘန်ကောက်မှာရှိတဲ့ မြန်မာသံရုံးက အရင်စစ်တပ်အစိုးရထက် သာလာပါပြီ။ အရင်စစ်တပ်အစိုးရလို အတင်း မျက်လုံးစုံမှိတ်ပြီး မသိချင်ယောင်ဆောင်တာမျိုး မလုပ်တဲ့အပြင် ပြည်သူတွေရဲ့ လခစားရင် ပြည်သူတွေကို တတ်အားသ၍ ပြန်ကူညီရမယ်ဆိုတာ သိလာပါတယ်။

နောက်ထပ် မင်္ဂလာသတင်းကတော့ ရှမ်းအမျိုးသားဒီမိုကရေစီအဖွဲ့ချုပ်က အခုတက်လာတဲ့ အရပ်သားပါဝင်တဲ့ အစိုးရသစ်က ရွေးကောက်ပွဲဆိုင်ရာ ဥပဒေတချို့ကို ပြင်ဆင်လိုက်တာရှိပေမယ့်လည်း ပြီးပြည့်စုံတဲ့ ပြင်ဆင်မှုတွေ မရှိသေးတဲ့အတွက် လာမယ့် ကြားဖြတ်ရွေးကောက်ပွဲမှာ ဝင်ပြိုင်ဖို့ အစီအစဉ်မရှိသလို ပါတီခေါင်းဆောင်တွေလည်း ထောင်တွင်း အကျဉ်းချ ခံနေရတဲ့အတွက် ပါတီမှတ်ပုံတင်ဖို့ အဆင်သင့်မဖြစ်သေးဘူး လို့ ပြောပါတယ်။ ကျနော်တို့ ဥက္ကဋ္ဌ၊ အတွင်းရေးမှုးနဲ့ တခြား စီအီးစီတွေကို အကုန်လုံးပြန်လွှတ်ပေးပြီးတော့မှ သုံးပွင့်ဆိုင် တွေ့ဆုံဆွေးနွေးရေးကို ဖော်ဆောင်နိ်ုင်မယ့် အနေအထား၊ ဥပမာ ကျောင်းသားတွေလည်း အကုန်လွှတ်ပြီ… ထောင်ထဲမှာ နိုင်ငံရေးအကျဉ်းသားလည်း မရှိတော့ဘူး… ပြီးပြည့်စုံတာမဟုတ်တောင်မှ ပြင်သင့်ပြင်ထိုက်တဲ့ အခြေခံဥပဒေတွေကို ထပ်မံပြီးတော့ ပြင်ပေးတယ်ဆိုရင်တော့ ကျနော်တို့ စဉ်းစားမှာပါလို့ ပြောတယ်၊

ကျနော် အရမ်းပီတိဖြစ်ပြီး တိုင်းပြည်အတွက် အားအင်တွေရခဲ့ပါတယ်။ ရှမ်းအမျိုးသားဒီမိုကရေစီအဖွဲ့ချုပ်ကပဲ ထက်ပြီး ဒေါ်အောင်ဆန်းစုကြည်ကိုလည်း အဖွဲ့ချုပ်ရဲ့ ပါတီမှတ်ပုံတင်ရေး မတင်ရေးကို သူတို့ အကြံမပေးလိုပါဘူး။ ဒါပေမယ့် ဒေါ်အောင်ဆန်းစုကြည် အကျယ်ချုပ်က လွတ်မြောက်ကာစက နိုင်ငံရေးအကျဉ်းသား လွတ်မြောက်ရေး၊ ပြည်တွင်းငြိမ်းချမ်းရေးနဲ့ အမျိုးသား ပြန်လည်ရင်ကြားစေ့ရေးတွေကို ဆက်လက်ဖော်ဆောင်မယ် လို့ ယုံကြည်ကြောင်း ပြောဆိုသွားပါတယ်၊

ရှမ်းတိုင်းရင်းသား ဒီမိုကရေစီအဖွဲချုပ်ရဲ့ ပြည်ထောင်စုစိတ်ဓါတ်ဟာ ကျနော့ရဲ့ပြည်ထောင်စုရေးအပေါ် စိုးရိမ်ကြောင့်ကျမှုတွေနဲ့ ပြောင်းပြန်ဖြစ်သွားပြီး အားအင်တွေ ရခဲ့ပါတယ်၊ ကျနော် ဆယ်ကျော်သက် အရွယ်ကထဲက စိုးရိမ်မှုတခု ရှိတယ်၊ ဘာလဲဆိုတော့ ဦးနေဝင်းစစ်တပ်ကြီး ကလည်း ဗမာ့တပ်မတော်လုပ်… ငါတို့ကလည်း ပြည်မမှာ နေကြတော့ ဗမာတွေဖြစ်… ဒါကို တိုင်းရင်းသားတွေက အဖိနှိပ်ခံခြင်းအတူတူ သွေးကွဲပြီး တချိန်ကျရင် ဒီမိုကရေစီရေးအတွက် အတူလက်မတွဲတော့ရင် ဒုက္ခပဲ… လို့ အမြဲ စိုးရိမ်တတ်ပါတယ်…။ စိုးရိမ်စိတ် တကယ်ဝင်အောင်လည်း ရှစ်ဆယ့်ရှစ် အရေး တော်ပုံနောက်ပိုင်း ကျနော်တို့ ပြည်မမှာ ကြီးပြင်းတဲ့ လူငယ်တွေက တိုင်းရင်းသား လက်နက်ကိုင်ရော၊ လက်နက်မကိုင်တဲ့ တိုင်းရင်းသားရော အဖွဲ့အစည်းမျိုးစုံနဲ့ အတူ သူတို့နယ်မြေ နဲ့ အဲဒီမှာနေတဲ့ ပြည်သူတွေရဲ့ ထောင်းထောင်းကျေ ဘဝတွေကို တွေ့ ထိ သိနားလည်လိုက်ရပါတယ်။

ကျနော် ထောင့်ကိုးရာရှစ်ဆယ့်ကိုး မှာ စစ်အာဏာရှင် ဆန့်ကျင်ရေးလှုပ်ရှားမှုလုပ်ရင်းက ဗိုလ်ချုပ်အောင်ဆန်း ကြိုးပမ်းခဲ့တဲ့ ပင်လုံစာချုပ်နဲ့ တိုင်းရင်းသား သွေးစည်းညီညွတ်ရေးဟာ တိုင်းပြည် လွတ်မြောက် တိုးတက်ရေးအတွတ် အရေးကြီးကဏ္ဍဖြစ်တယ်ဆိုတာ ပထမဆုံးအကြိမ် တွေ့ထိ သတိထားမိတဲ့ အစည်းအဝေးကတော့ တိုက်တိုက်ဆိုင်ဆိုင် ဗိုလ်ချုပ်ကတော် ဒေါ်ခင်ကြည်ရဲ့ခြံဝင်းထဲက ဒေါ်အောင်ဆန်းစုကြည်ရဲ့အဖွဲ့ ချုပ်နဲ့ တပ်ပေါင်းစုရေး သွားဆွေးနွေးတုံးကပါပဲ…။

အစည်းအဝေးက ဘာမှမဖြစ် ဘာမှ အကောင်ထည်မပေါ်ခဲ့ပါဘူး…။ လာတက်ရောက်တဲ့ လူတွေထဲက ကျနော်မှတ်မိတဲ့သူတချို့ကတော့ အမျိုးသားနိုင်ငံရေးတပ်ပေါင်းစုက တော်ဖုရားလေး ဦးအောင်ဇေ၊ ပြည်သူ့တိုးတက်ရေးပါတီက ဦးခင်မောင်မြင့်၊ လေ့လာသူအနေနဲ့ ဥက္ကဌ ကိုမင်းကိုနိုင် နဲ့ ဘိုဘို၊ ကျနော်တို့ဆီက အခုထိ အကျဉ်းကျခံနေဆဲ ဂျင်မီ နဲ့ ထောင်ထဲမှာ စုစုပေါင်း အနှစ်နှစ်ဆယ်နည်းပါး နေလိုက်ရတဲ့ လက်ရှိ ထိုင်း မြန်မာနယ်စပ် အခြေခံလူ့ဘောင်သစ်ပါတီ အတွင်းရေးမှူး ကိုငွေလင်း၊ ရခိုင်အမျိုးသားဒီမိုကရေစီအဖွဲ့ချုပ်က ဦးသာဘန်း၊ ချင်းအမျိုးသားဒီမိုကရေစီအဖွဲ့ချုပ်က ကိုဆလိုင်းလျှန်မုန်း၊ အိမ်ရှင်ဖြစ်တဲ့ အမျိုးသားဒီမိုကရေစီအဖွဲ့ချုပ်က ကာနယ်ချစ်ခိုင်… သူတို့ကိုတော့ ရင်းနှီးကျွမ်းဝင်နေတော့ မှတ်မိလိုက်ပါတယ်။

အစည်းအဝေး အဆင်အပြင်က ဆယ်ကျော်သက်ဖြစ်တဲ့ ကျနော့ အနေနဲ့တော့ ရီချင်စရာကောင်းလို့ ပြုံးမိပါတယ်။ မြန်မာ့လွတ်လပ်ရေး တိုက်ပွဲကထဲက ပါဝင်ခဲ့တဲ့ သမိုင်းဝင် နိုင်ငံရေးသမားတွေ၊ တိုင်းရင်းသားပါတီ ခေါင်းဆောင်တွေအနေနဲ့တော့ စိတ်မချမ်းမြေ့စရာပါပဲ…။ အဲဒီ အစည်းအဝေးရဲ့ အဆင်အပြင်ကို ကျနော် မိတ်ဆက်ပြပါမယ်…။

ဦးချစ်ခိုင်က အချိန်နဲနဲနောက်ကျပြီးမှ နာရီကြည့်ရင်း ဝင်လာပြီး ကျနော်တို့ စတော့မယ်… ဒီနေ့ တခြားခေါင်းဆောင်တွေ မ တက်လို့ ခင်ဗျားတို့ ပြောစရာရှိတာ အားလုံးပြောခဲ့ပါ။ ကျနော်တို့ အသံဖမ်းထားပြီး ဗဟိုကော်မတီက ပြန်နားထောင်ပါ့မယ်ဆိုပြီး ကက်ဆက်အမဲကြီး တစ်လုံးကို ဓါတ်ကြိုးတွေသွယ်ပြီး အားလုံး မျက်နှာမူထားတဲ့ သဘာပတိနေရာမှာ ခုံတလုံး ချပြီး တင်ထားပေးပါတယ်။

စစ်တပ်အာဏာသိမ်းခံရပြီး အကွဲကွဲ အပြန့်ပြန့်ဖြစ်နေတဲ့ အင်အားတွေ ကြီးမားသွားအောင် စုစည်း ကြမယ်ဆိုတဲ့ နိုင်ငံရေး အမျှော်မြင်ရှိ ခေါင်းဆောင်တွေလည်း ကျွဲမြီးတိုကြ တော့ ဆွေးနွေးတာထက် ဝေဖန်တာပဲ လုပ်နိုင်တော့ပါတယ်။ ဥက္ကဌ မင်းကိုနိုင်တောင်မှ ဝင်ပြောရင် ဦးချစ်ခိုင်က လေ့လာသူဖြစ်လို့ ပေးမပြောဘူးဆို ကန့်ကွက်ပါသေးတယ်…။ ဟိုကလည်း တခြားအများစု ထောက်ခံမှုနဲ့ အတင်းဝင်ပြီး ဝေဖန်သွားပါသေးတယ်။ ဖြစ်ချင်တော့ ဦးချစ်ခိုင်က အရေးထဲ အရာပေါ် စကားမှားပါသေးတယ်…။ သူက အမျိုးသားဒီမိုကရေစီအဖွဲ့ချုပ် ကိုယ်စားလှယ်အဖြစ် ပြောတာလား မေ့ပြီလားတော့ ကျနော် မပြောတတ်ပါ။

သူ ပြောတာက "ခင်ဗျားတို့ စစ်တပ်ကိုပဲ အပြစ်တင်မနေနဲ့… ခင်ဗျားတို့ ပြည်သူတွေဖက်ကလည်း ခေါင်းဖြတ်တာတွေ ရှိတာပဲ…” ဆို ဒေါသနဲ့ ပြောပါတယ်၊၊ သူ ပြောတာကို မခံနိုင် မရပ်နိုင်ဖြစ်ပြီး အားလုံးပြန်ပြောကြတဲ့ အထဲမှာ ပြည်သူ့တိုးတက်ရေးပါတီက ဦးခင်မောင်မြင့်ရဲ့ ရှင်းပြပုံကို ကျနော် သဘောကျပါတယ်…။ သူကလည်း ဒေါနဲ့ မာန်နဲ့ ပြည်သူတွေ ငြိမ်းငြိမ်း ချမ်းချမ်း ဆန္ဒပြတာကို လာဖျက်ဆီးတဲ့လူတွေ ခေါင်းဖြတ်တာတင်မကဘူး… သူက ခဏရပ်ထားပါတယ်... ကျနော်တို့လည်း သူ ဘာထပ်ပြောမလည်း စဉ်းစားပါတယ်…။ ပြီးမှ သူက ခြေထောက်တောင်ဖြတ်ပြစ်ဖို့ ကောင်းတယ် လို့ ဆက်ပြောပါတယ်။ ကျနော်တို့မှာ ငိုအားထက် ရယ်အားသန်…။

ဒါ ကျနော်တို့ တိုင်းပြည်ရဲ့ပြည်ထောင်စုရေးနဲ့ တပ်ပေါင်းစု အမျိုးသားသွေးစည်းညီညွတ်ရေး သမိုင်းထဲက တစိတ်တဒေသပေါ့ဗျာ…။ အဲဒီထဲမှာကျနော့် နှလုံးသားကိုဖောက်ဝင်တဲ့ စကားကတော့ ချင်းအမျိုးသားဒီမိုကရေစီအဖွဲ့က ကိုလျှံမုန်း ပြောခဲ့တာပါ။

သူက"ခင်ဗျားတို့ သတိထားရမှာက ခင်ဗျားတို့ အန်အယ်ဒီ မပြောနဲ့၊ ဗိုလ်ချုပ်အောင်ဆန်းတောင် သူတယောက်ထဲ လွတ်လပ်ရေးရအောင် မလုပ်နိုင်ဖူးဆိုတာ မြဲမြဲနားလည်ထားပါ...” တဲ့…။ ကျနော်တို့ လက်ခုပ်သံတွေက ပတ်ဝန်းကျင်ကို ဖုံးလွှမ်းခဲ့ပါတယ်။ ကိုလျှံမုန်းဟာ ကျနော် ယဉ်ပါးနေပြီး သတိမထားမိတဲ့ အစိတ်အပိုင်းတခုကို လက်ထဲ ကိုယ်တိုင်ကိုယ်ကျ ပေးအပ်သွားတာပါ။ ဒါကတော့ ကျနော်တို့ရဲ့လွတ်လပ်ရေးနဲ့ ပင်လုံစာချုပ်ပါ။

အဲဒီ အစည်းအဝေး နောက်ပိုင်း(အဲဒီနေ့ အဖွဲ့ချုပ်က မှတ်တမ်းလိုက်မှတ်ပေးတဲ့ ကျောင်းသူအမျိုးသမီးငယ်တွေ အပါအဝင်) ကျနော်တို့ အားလုံးနီးပါး စစ်အစိုးရဆန့်ကျင်ရေးကို ကျရာတာဝန်နဲ့ လှုပ်ရှားကြရင်း ထောင်ထဲမှာ နှစ်ရှည်အချိန်ပေးခဲ့ကြရပါတယ်။ ကိုလျှံမုန်းတယောက်ပဲ တောခိုသွားနိုင်တယ်လို့ ကျနော်တို့နဲ့ အတူ ထောင်ကျလာတဲ့ ဓနုအမျိုးသား ပါတီနာယက ကဗျာဆရာ မောင်လင်းယုန်(ရှမ်းပြည်) ပြောလို့ ဝမ်းသာခဲ့ပါတယ်။

သူပြောပြလို့ သိလိုက်ရတာ ကိုဆလိုင်းလျှံမုန်းကို ခင်ညွန့်ထောက်လှမ်းရေးက လာခေါ်ပြီး တစ်ကိုးဆယ်ကို အခု လက်မှတ်ထိုးမလား… ယူအန်အယ်ဒီ ဖျက်သိမ်းရမလား… အကျပ်ကိုင်လို့ လက်မှတ်ထိုးပေးပြီး ချုံးပွဲချငိုကြွေးရင်း တိုင်းပြည်ကို စွန့်ခွာသွားတယ်လို့ ကြားလိုက်ရပါတယ်။

အဲဒီလို ထောင်ထဲမရောက်ကျခင် အားလုံး ရင်ဆိုင်ရတဲ့ ပြဿနာက ထောင့်ကိုးရာကိုးဆယ် ရွေးကောက်ပွဲကျင်းပတော့ ကျနော်တို့ခေါင်းဆောင် ဒေါ်အောင်ဆန်းစုကြည်က စစ်အစိုးရအောက်မှာ နေအိမ်အကျယ်ချုပ် ကျနေပါပြီ။

ကျနော်တို့ တိုင်းပြည်အတွက် ရဲရဲရင့်ရင့် မြေပေါ်နိုင်ငံရေးမှာ တိုက်ပွဲဝင်ချင်သူတွေ၊ အဖွဲ့အစည်းတွေက အမျိုးသားဒီမိုကရေစီအဖွဲ့နဲ့ ညှိနှိုင်းဖို့ နေနေသာသာ သူတို့ အဖွဲ့အစည်းထဲမှာတင် အစဉ်လာရှိတဲ့ လူထု ထောက်ခံတဲ့ ခေါင်းဆောင် တချို့ဟာ ညှိနှိုင်းမရပဲ ဦးချစ်ခိုင်နဲ့ စစ်မှုထမ်းဟောင်းတွေ ဦးစီးပြီး မေမြို့မှာ မူဆလင်ကုလားတွေကို ငွေနဲ့ အမတ်နေရာ ရောင်းစားခဲ့တယ်၊ အမျိုးသားဒီမိုကရေစီအဖွဲ့ချုပ်ဆိုပြီး ခေါင်းပေါင်းနဲ့ ကုလားကြီး တွေက ခမောက်မဲပုံးကို ပိုင်းပြီး မဲရုံမှာ တရုန်းရုန်း…။ မေမြို့ မြို့နယ် အမျိုးသား ဒီမိုကရေစီအဖွဲ့ချုပ်က လူတွေက အမတ်ဝင်ရွေးဖို့ တချို့မဟာမိတ်တွေကို ကမ်းလှမ်းပါတယ်။ နောက်ဆုံး အခု မြန်မာပြည်ထဲ ပြန်ရောက်နေတဲ့ ဦးပီတာလင်းပင်က သဘောတူတဲ့အခါမှ မေမြို့အန်အယ်ဒီကနေပြီး ဒါ တကယ့် အဖွဲ့ချုပ် အမတ်ပါ… ဒါပေမယ့် အမျိုးသားဒီမိုကရေစီအဖွဲ့ချုပ်ရဲ့ မဲပုံးအမှတ် တံဆိပ်က စာအုပ်ပါ… ဟိုဘက်က အဖွဲ့ချုပ် အထိမ်းအမှတ် ခမောက်နဲ့ ခမောက်မဲပုံးဟာ မူဆလင်တွေပါ… ရှင်တို့ မေမြို့ တခုလုံး ကုလားပလီတွေ ဖြစ်သွားမယ်ဆိုပြီး မဲပြန်ဆွယ်ခဲ့ရတာပါ။

အလားတူ ပြဿနာတွေ မွန်ပြည်နယ်မှာဆို အမျိုးသားဒီမိုကရေစီအဖွဲ့ချုပ်ကိုယ်စားပြုပြီး လွှတ်တော်အမတ် ဝင်ခွင့်ရှိတဲ့ မူဆလင်ပါတီက မူဆလင်ကုလားက မွန်အမျိုးသားဒီမိုကရေဆီအဖွဲ့ကို ရှုံးတဲ့ အခါကျ တရားတောင် ပြန်စွဲလိုက်သေးပါတယ်။ ပြည်မြို့မှာဆို အမျိုးသား ဒီမိုကရေစီအဖွဲ့ချုပ်က ဦးချစ်ခိုင်တို့ ချပေးတဲ့ လူနဲ့ ပြည်မြို့ အမျိုးသားဒီမိုကရေစီအဖွဲ့ချုပ်နဲ့ နှစ်ခုကွဲလို့ အာဏာရှင်ဟောင်း တဆညပါတီက အနိုင်ရသွားပါတယ်။ ဒီကိစ္စတွေဟာ ကိုယ့်အချဉ်းချင်း တန်ဖိုးမထားတဲ့ တပ်ပေါင်းစုကို တန်ဖိုးမထားတဲ့ ဗိုလ်ချုပ်အောင်ဆန်းရဲ့ ပင်လုံစာချုပ် အနှစ်သာရကို အကောင်ထည်ဖော်ဖို့ မကြိုးစားပဲ ဗိုလ်ချုပ်အောင်ဆန်းရဲ့ ဓါတ်ပုံတွေပဲ သုံးတာများသွားတဲ့ ပြဿနာတွေ ဖြစ်ပါတယ်။

ထောင့်ကိုးရာရှစ်ဆယ့်ရှစ် နောက်ပိုင်း ကျနော်တို့အတွက် အကျိုးအမြတ်တခုကတော့ ကျနော်တို့ တိုင်းပြည်မှာ လူမျိုးရေးစစ်ပွဲကို ငြိမ်းသတ်ပြီး စစ်အာဏာရှင် ဆန့်ကျင်ရေးစစ်ပွဲအဖြစ် ဝိုင်းဝန်းပြောင်းလဲ ပေးလိုက်နိုင်တာပါပဲ…။ ဒီလိုလူမျိုးစုတွေနဲ့ ပြည်မအကြား နားလည် စည်းရုံးမှု တခု တည်ဆောက်ယူနိုင်ခဲ့ အောင်လည်း အထူးသဖြင့် ရှစ်ဆယ့်ရှစ် မျိုးဆက် လူငယ်တွေက တိုင်းရင်းသားဒေသတွေမှာ အသက်စွန့်ပြီး အတူ တိုက်ပွဲဝင်ခဲ့ ပါတယ်။ နောက်တကြောင်းက ကိုးဆယ်ရွေးကောက်ပွဲ အနိုင်ရ လွှတ်တော်ကိုယ်စားလှယ်တွေရဲ့ ထိုင်းမြန်မာနယ်စပ်မှာ လာရောက် ပူးပေါင်းပါဝင်မှုတွေကလည်း လူမျိုးစုနဲ့ ပြည်မအကြား နားလည်ရင်းနှီးမှုတွေ ပိုမိုတည်ဆောက်ပေးနိုင်ခဲ့ပါတယ်။

ဒီနေ့အခါမှာ တိုင်းရင်းသားအဖွဲ့အစည်းတွေက (ရှစ်ဆယ့်ရှစ် မျိုးဆက် ကျောင်းသားတွေနဲ့) နိုင်ငံရေးအကျဉ်းသားအားလုံး လွတ်မြောက်ရေး၊ ပြည်တွင်းငြိမ်းချမ်းရေးကို တိုင်းပြည်ရဲ့ အဓိက လိုအပ်ချက်အဖြစ် မီးမောင်းထိုးပြခဲ့ပါတယ်။ ဒါဟာ ကျနော်တို့တိုင်းပြည်မှာ ပင်လုံစိတ်ဓါတ် ဆက်လက်ရှင်သန်နေတာဖြစ်ပြီး တိုင်းပြည်ငြိမ်းချမ်းတိုးတက်ရေးအတွက် အကျဉ်းသားလွတ်မြောက်ရေးနဲ့ ပြည်တွင်းငြိမ်းချမ်းရေးဟာ ပထမဦးဆုံးဖြေရှင်းရမယ့် ပြဿနာဖြစ်ကြောင်းကို နွေးထွေးစွာကြိုဆိုထောက်ခံရင်း ကျနော်တို့ရဲ့ ပြည်သူတွေ၊ ခေါင်းဆောင်ဖြစ်တဲ့ ဒေါ်အောင်ဆန်းစုကြည် အပါအဝင် သမ္မတဦးသိန်းစိန်နဲ့ လွှတ်တော်အတွင်း/အပြင်က မျိုးချစ်ပြည်ချစ်များ ပူးပေါင်းဆောင်ရွက်နိုင်ပါစေလို့ ဆန္ဒပြုခဲ့ပါတယ်…။